རྒྱལ་སྨན་སློབ་དཔོན་ཆེན་མོ་ཉི་མ་མཆོག་གི་རིག་གཞུང་བསམ་བློའི་བགྲོ་གླེང་ཚོགས་འདུ།

ཟླ6པའི་ཚེས23ཉིན། རྒྱལ་སྨན་སློབ་དཔོན་ཆེན་མོ་ཉི་མ་མཆོག་གི་རིག་གཞུང་བསམ་བློའི་བགྲོ་གླེང་ཚོགས་འདུ་གནམ་མཁར་ཟི་ལིང་དུ་བསྡུས་ཤིང་། ཀན་སུའུ་དང་། སི་ཁྲོན། མཚོ་སྔོན་བཅས་ནས་ཕེབས་པའི་བོད་ལུགས་གསོ་རིག་གི་ཆེད་མཁས་པ་དང་མཁས་དབང200ལྷག་ཙམ་གྱིས་རྒྱལ་སྨན་སློབ་དཔོན་ཆེན་མོ་ཉི་མ་མཆོག་གི་རིག་གཞུང་བསམ་བློར་གྲོས་བསྡུར་བྱས་པ་རེད། མཚོ་སྔོན་ཞིང་ཆེན་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་ལིས་ཞིའུ་ཀྲུང་དང་། མཚོ་སྔོན་ཞིང་ཆེན་བོད་ལུགས་གསོ་རིག་དང་བོད་སྨན་སློབ་ཚོགས་ཀྱི་ཚོགས་གཙོ་ཨེ་ཚོགས་ཆེན། བོད་ཀྱི་མཁས་དབང་གྲགས་ཅན་བློ་བཟང་ལྷུན་གྲུབ་རྡོ་རྗེ། མཚོ་སྔོན་ཞིང་ཆེན་ཀྲུང་ལུགས་དང་བོད་ལུགས་གསོ་རིག་དོ་དམ་ཅུའུ་ཡི་ཅུའུ་ཀྲང་དོན་འགྲུབ། རྒྱལ་ཁབ་རིམ་པའི་ཀྲུང་ལུགས་གསོ་རིག་སྨན་པ་རྒན་པ་སངས་རྒྱས་དང་། ཨ་ཁུ་ཉི་མ་མཆོག་གི་སློབ་གྲོགས་ཀརྨ་ཐུབ་བསྟན་སོགས་འགོ་ཚུགས་མཛད་སྒོར་ཞུགས་པ་རེད།