མཚོ་སྔོན་ཞིང་ཆེན་བོད་སྨན་ཁང༢༠༡༩ལོའི་བོད་སྨན་ངོས་འཛིན་དང་སྨན་ནུས་རྒྱུགས་སྤྲོད།

       མཚོ་སྔོན་ཞིང་ཆེན་བོད་སྨན་ཁང་2019ལོའི་བོད་ལུགས་གསོ་རིག་དང་བོད་སྨན་ཆེད་ལས་ལག་རྩལ་མི་སྣའི་བོད་སྨན་ངོས་འཛིན་སློབ་ཁྲིད་བྱེད་སྒོ་2019ལོའི་ཟླ7པའི་ཚེས12ནས་ཚེས14བར་ཧོང་ཀྲུང་ཁྱུང་གྱ་རུ་ ་དུས་ཡུན་ཉིན་གསུམ་ལ་སྤེལ། སྨན་ཁང་གི་ཏང་ཨུ་ཧྲུའུ་ཅི་དབང་ཆེན་ཚེ་བརྟན་དང་། ཡོན་ཀྲང་གཞོན་པ་པད་མ་རབ་བརྟན། འབུམ་རམས་སྨན་པ་པདྨ་ཐར། འབུམ་རམས་གཞོན་པ་རིག་འཛིན་རྡོ་རྗེ་སོགས་བོད་སྨན་ངོས་འཛིན་ཆེད་མཁས་པ་དྲུག་ ཐེངས་འདིའི་བྱེད་སྒོར་ཞུགས།དེ་མིན་སྨན་བཅོས་ཚན་ཁག་དང་། ཞིབ་འཇུག་ཚན་ཁག ཐོན་སྐྱེད་ཚན་ཁག་སོགས་ཚན་ཁག་བཅུ་གསུམ་དང་ཁོངས་མི་བརྒྱ་ལྷག་ཐེངས་འདིའི་བྱེད་སྒོར་ཞུགས།