རིམས་ནད་ཀྱི་སྐབས་སུ་ཕྱི་རུ་སྨན་པར་སྟོན་དུ་འགྲོ་བར་མཉམ་འཇོག་བྱེད་དགོས་ས་གང་དག་ཡོད་དམ།
“ནད་ཡང་མོར་སྡེ་ཁུལ་ནས་བལྟ་བ་དང་། ནད་ལྕི་མོ་སྨན་ཁང་དུ་འགྲོ་བའི”རིམ་པ་བཀར་ནས་སྨན་པར་སྟོན་པའི་རྩ་དོན་བརྩི་སྲུང་བྱས་ཏེ། ཐག་ཉེ་ས་ནས་སྨན་པར་སྟོན་དགོས།
སྔོན་ལ་དྲ་ཐོག་གམ་ཡང་ན་ཁ་པར་བཏང་ནས་ཁ་ཆད་བྱེད་པ་དང་། སྨན་བཅོས་བྱེད་པའི་བརྒྱུད་རིམ་ལ་རྒྱུས་ལོན་བྱེད་པ། སྨན་ཁང་གི་སྨན་བཅོས་ཚན་ཁག་སོ་སོར་རྒྱུས་ལོན་བྱེད་པ་བཅས་ཀྱིས། སྨན་ཁང་ནས་འདུག་པའི་དུས་ཚོད་ཇེ་ཐུང་དུ་གཏོང་དགོས།
སྤྱི་པའི་འགྲིམ་འགྲུལ་ཡོ་བྱད་ལ་འདུག་པ་དང་སྨན་པར་སྟོན་པའི་བརྒྱུད་རིམ་ཡོངས་སུ་ཐེངས་གཅིག་རང་བཞིན་གྱི་སྨན་སྤྱོད་ཁ་ཐུམ་དང་། ཡང་ན་སྨན་སྤྱོད་ཕྱི་ཚན་ཁ་ཐུམ་རྒྱག་དགོས།
སྨན་པར་སྟོན་པའི་གོ་རིམ་ཁྲོད་སྒོ་ལུང་དང་ཐོ་འགོད་འཕྲུལ་ཆས། དངུལ་ལེན་འཕྲུལ་ཆས་སོགས་དངོས་པོའི་ཕྱི་ངོས་ལ་ཐད་ཀར་རེག་པར་གཡོལ་ཅི་ཐུབ་བྱེད་དགོས་ལ། ཕྱི་ངོས་ལ་རེག་རྗེས་ཅིས་ཀྱང་དུས་ཐོག་ཏུ་ལག་པ་བཀྲུ་བ་དང་། ཡང་ན་མྱུར་སྐམ་ལག་པའི་དུག་སེལ་སྨན་ཁུ་བཀོལ་ནས་ལག་པ་གཉིས་ཀ་བཀྲུ་དགོས།
སྨན་བཅོས་ལ་སྒུག་པ་དང་གྲལ་སྒྲིག་པའི་སྐབས་སུ། མི་གཞན་དང་སྨི1ཡན་གྱི་བར་ཐག་འཇོག་པ། གང་ནུས་ཀྱིས་ཐེམ་སྐས་ལ་འགོ་བ་དང་། གལ་ཏེ་གློག་སྐས་ལ་འདུག་ན། མི་ཉུང་བའི་དུས་སུ་འདུག་པ་དང་གློག་སྐས་གཅིག་ལ་མི་མང་པོ་འདུག་པར་ཅིས་ཀྱང་འཛེམ་དགོས།
ཨང་བཤེར་གཏོང་སྤྲོད་སོགས་རེག་ཐུག་བྱེད་མི་དགོས་པའི་ལམ་ནས་སྒོར་མོ་སྤྲོད་དགོས།
མི་སྒེར་གྱི་འཕྲོད་བསྟེན་ལ་མཉམ་འཇོག་དང་། ལག་པའི་གཙང་སྦྲ་རྒྱུན་སྲུང་བྱེད་པ་དང་། གཙང་མ་མིན་པའི་ལག་པས་ཁ་དང་མིག་སྣ་ལ་རེག་པར་གཡོལ་དགོས་ཤིང་། སྣ་སྦྲིད་རྒྱག་པ་དང་གློ་ལུ་བའི་སྐབས་སུ་གཙང་ཤོག་བཀོལ་བ་དང་། ཡང་ན་དཔུང་པས་ཁ་སྣ་འགེབས་དགོས།
སྨན་ཁང་ནས་ཕྱིར་ཁྱིམ་ལ་ལོག་རྗེས། འཕྲལ་མར་ཡང་དག་པའི་སྒོ་ནས་ལག་པ་བཀྲུ་དགོས།
ཚ་རྒྱག་པའི་ནད་རྟགས་བྱུང་ན་སྨན་ཁང་ལ་ཇི་ལྟར་སྟོན་དགོས་སམ།
(1) ཚ་རྒྱག་པའི་ནད་པས་སྨན་ཁང་ལ་སྟོན་སྐབས། ཕྱི་རུ་སོང་ནས་སྨན་བཅོས་བྱེད་པའི་བླང་བྱ་དག་བརྩི་དགོས་པར་མ་ཟད། ད་དུང་བརྒྱུད་རིམ་ཡོངས་སུ་སྨན་སྤྱོད་ཕྱི་ཚན་ཁ་ཐུམ་བརྒྱབ་ནས་ཚ་རྒྱག་སྒོ་བསྟེན་ཁང་ནས་སྨན་པར་སྟོན་དགོས་པ་དང་། སྤྱི་པའི་འགྲིམ་འགྲུལ་ཡོ་བྱད་ལ་འདུག་པར་གཡོལ་ཅི་ཐུབ་དང་། འགྲོ་རོགས་མི་སྣས་ཀྱང་འགོག་སྲུང་ལེགས་པོར་སྒྲུབ་ཀྱིན་ཡོད་མེད་ལ་མཉམ་འཇོག་དགོས།
(2) སྨན་པར་སྟོན་སྐབས། སྨན་པ་ལ་ནད་ཀྱི་བྱུང་ཚུལ་དང་སྔོན་ཆད་སྨན་པར་བསྟེན་པའི་གནས་ཚུལ་དག་ཇི་མ་ཇི་བཞིན་གསལ་པོར་བརྗོད་དགོས་པ་དང་། ཁྱད་པར་དུ་སྨན་པར་ཉེ་ལམ་ས་ཆ་གང་ལ་ཡུལ་སྐོར་དུ་སོང་བ་དང་ས་ཆ་གང་ནས་བསྡད་མྱོང་བའི་བརྒྱུད་རིམ། དོགས་ཡོད་མི་སྣར་འབྲེལ་འདྲིས་བྱས་པ་སོགས་ཀྱི་གནས་ཚུལ་གསལ་བོར་བཤད་དགོས།
(3) གལ་ཏེ་པྲོག་གསར་གློ་ཚད་རིམས་ནད་ཀྱི་ནད་དཔེ་འདྲ་བོ་དང་། ཡང་ན་གཏན་འཁེལ་ནད་དཔེར་ཐག་གིས་བཅད་ཚེ། སྨན་ཁང་ལ་ཧུར་ཐག་གིས་མཉམ་འབྲེལ་བྱས་ནས་འབྲེལ་ཡོད་བརྟག་བཤེར་དང་ལོགས་བཀར་སྨན་བཅོས་བྱེད་དགོས་སོ།།
རྩོམ་ཞུས། པདྨ་རབ་བརྟན།
审 核： 万玛拉旦
རྩོམ་ཁུངས། མཚོ་སྔོན་བོད་ཡིག་གསར་འགྱུར།
来 源： 青海藏文报
རྩོམ་སྒྲིག དྲིལ་སྒྲོག་འཐབ་གཅིག་ཚན་ཁག རིག་འཛིན་སྐྱིད།
编 辑： 宣传统战科（仁增吉）
关注公众号