སྙིང་།
དོན་ལྔའི་ནང་གི་རྒྱལ་བོ་ལྟ་བུ་ཚེ་སྲོག་སེམས་ཀྱི་དབང་རྟེན་དུ་གྱུར་བའི་སྙིང་ནི་ཐང་ཤིང་བསླངས་བ་དང་འདྲ་བའི་སྲོག་རྩ་ནག་པོའི་སྟོད་ཀྱི་ཆར་གནས་ཤིང་ཁྱབ་བྱེད་རླུང་གི་བྱེད་ལས་ལ་བརྟེན་ནས་རླུང་ཁྲག་རྣམས་རིམ་བཞིན་རྩ་ཆེན་བརྒྱུད་དེ་ཕྲ་བ་ལོ་མའི་རྩ་ལྟ་བུ་དང་འབྲེལ་ཞིང་དྭངས་མ་རྣམས་རང་རང་གི་གནས་སུ་འདྲེན་པར་བྱེད་པ་ཡིན་པས། སྟག་ཚང་ལོ་ཙྰ་བས། བདག་འཛིན་དྲན་པ་གསལ་བའི་རྟེན།། སྲོག་རྩ་ནག་པོའི་སྟོད་ཀྱི་ཆར།། བེ་དེའི་འབྲས་བུའི་སྙིང་བོ་ལྟར།། གནས་པས་སྙིང་ཞེས་བཤད་པ་ཡིན།།ཅེས་དང་གོང་སྨན་པས།སྙིང་ལ་གནས་པའི་ཁྱབ་བྱེད་ཀྱིས།།ལས་རྣམས་སྤྱི་དང་ཁྱད་པར་དུ།།སྙིང་གི་བུ་ག་འབྱེད་འཛུམ་བྱེད།།ཇི་ལྟར་སྦུད་པས་རླུང་འབུད་བཞིན།།ཁྲག་རྣམས་བུ་གར་འདྲེན་ཞིང་གཏོར།།དེ་ཚེ་ལུས་ཀྱི་ཆ་ཤས་ཀྱི།།རྩ་ཡང་ལྷན་ཅིག་འཕར་བར་བྱེད།།ཞེས་གསུངས་ཡོད།
གནས་ས། ནུ་མ་གཉིས་ནས་ནང་དུ་ཚོན་རེ་བསྐུམ།། སྐེ་སྟོང་སོར་བཞིའི་འོག་ཏུ་ཐིག་གདབ་པའི།། གྲུ་གསུམ་དབུས་ནི་སྙིང་གི་ཡུལ་ཐིག་ཡིན།
སྙིང་སྐྲག་ས།
སྙིང་ནི་སྐྲག་སྐྲག་ཚྭ་ལ་སྐྲག །
ཚྭ་ཡིས་མི་ཚད་ཚིག་ཇ་དང་། །
ཆང་དང་གླང་དམར་ལ་སོགས་པའི། །
སྙིང་རླུང་སློང་བྱེད་ཀུན་ལ་སྐྲག །
རྩོམ་ཞུས། ཤིན་ཞའོ་ཀོང་།
审 核： 辛晓光
编 辑：宣传统战科
关注公众号