འཛམ་གླིང་མཁལ་སྲུང་ཉིན་མོ།

     རྒྱལ་སྤྱིའི་མཁལ་ནད་ཚོགས་པའི་གཏན་ཁེལ་བྱས་པ་ལྟར་སྤྱི་ལོ ༢༠༠༦ ལོ་ནས་བཟུང་ལོ་རེ་རེའི་སྤྱི་ཟླ ༣ པའི་གཟའ་འཁོར་གཉིས་པའི་གཟའ་ཕུར་བུ་ཉིན་ནི་འཛམ་གླིང་མཁལ་སྲུང་ཉིན་མོ་ལ་གཏན་ཁེལ་བྱས་ཡོད་པ་དང་། མཚོ་སྔོན་ཞིང་ཆེན་བོད་ལུགས་སྨན་ཁང་གི་མཁལ་ནད་ཚན་ཁག་གིས་ཀྱང་ཐེངས་འདིའི་གོ་སྐབས་དང་བསྟུན་ནས་མཁལ་མའི་བདེ་སྲུང་ཐད་ཀྱི་ཤེས་བྱ་ཕྲན་བུ་རེ་ངོ་སྤྲོད་བྱེད་ཀྱིན་ཡོད།

     བོད་ལུགས་གསོ་རིག་ཏུ་མཁལ་མར། སྲོག་རྩའི་དཔྱང་རྡོ།  ཆུའི་རྟེན།  སྒྲའི་སྒོ ། ཞེས་དང་།  སྨན་དཔྱད་ཟླ་བའི་རྒྱལ་པོ་ལས། །  མཆིན་པའི་སྙིགས་པ་མཁལ་མར་འགྲོ།།  བད་ཀན་མཁྲིས་པ་རླུང་གིས་ཕྱེ། ། ལུས་ཟུངས་འཛིན་བྱེད་རླུང་གིས་དྲངས།  །   མཁལ་མའི་སྦུབས་སུ་ཀུན་ཁྱབ་སྟེ།། རླུང་མཁྲིས་བད་ཀན་གསུམ་གྱིས་བཞུ།། བཅུད་ཀྱིས་རྩ་སྦུབས་ཀུན་ཁྱབ་སྟེ།། བཅུད་ཀུན་རུས་མིག་འདྲེན་པར་བྱེད།། ལྷ་བ་རུས་པ་ཐམས་ཅད་རྒྱས།། བདེ་བ་རྒྱས་བྱེད་སྲོག་འཛིན་བྱེད།།  སྙིགས་མ་ལྒང་ཕུགས་དག་ཏུ་ལྷུང་།། དེ་ལས་ལྷག་བཅད་ནད་དུ་འགྱུར།། ཅེས་མཁལ་མ་ནི་ནད་རིགས་ཀུན་གྱི་འབྱུང་ཁུངས་གཙོ་ཤས་ཡིན་པ་གཞི་ནས་གསལ།   

   དང་པོ།  གཤམ་གྱི་ནད་རྟགས་དག་ལས་མཁལ་མ་ནད་འགྱུར་ཡོད་མེད་གསལ་བོར་རྟོགས་ཐུབ། 

    ༡  སྔ་མོ་མིག་ལྕིབས་སྐྲངས་པ། རྐང་པའི་ངར་གདོང་གི་གནས་སུ་སྐྲངས་ཤིང་མཐེབ་རྗེས་བཏོན་པ།  དྲི་ཆུའི་ལྦུ་བ་ཆེ་བ། ལུས་ཐང་ཆད་པ།  

     ༢ མིག་ལྕིབས་དང་སེན་མོ། པགས་མདོག་དག་སྐྱ་བོར་གྱུར་བ་དང་སྒྱིད་ལུག་པར་གྱུར་བ། 

   ༣  མཚན་དུས་སུ་གཅིན་གྲངས་མང་བ་དང་མཁལ་གསང་དུ་གཟེར་བ། མཚམས་སུ་མཁལ་མའི་གནས་སུ་འཁྱག་སྣང་སྐྱེ་པ། 

གཉིས་པ།  མཁལ་ནད་འབྱུང་སླ་བའི་རང་བཞིན།   

    ༡   ཁྲག་རླུང་འཕེལ་བ་དང་གཅིན་སྙི་ཟ་ཁུའི་ནད་བྱུང་ཡོད་པ་དག་ལ་མཁལ་ནད་འབྱུང་བའི་ཉེན་ཆེ།

    ༢  དུས་རྒྱུན་ཟུག་གཅོག་དང་ཚ་བ་གཅོག་པའི་སྨན་རིགས་བསྟེན་ཆེས་པའི་མི་ལ་མཁལ་ནད་འབྱུང་བའི་ཉེན་ཆེ།

    ༣  ཁྱིམ་བརྒྱུད་རང་བཞིན་གྱི་མཁལ་མའི་ནད་རྒྱུས་ཡོད་པ་དག་ལ་མཁལ་ནད་འབྱུང་བའི་ཉེན་ཆེ།

    ༤  ཚོ་ཆེ་བའི་མི་ལ་མཁལ་ནད་འབྱུང་བའི་ཉེན་ཆེ། 

གསུམ་པ།  མཁལ་མའི་བདེ་སྲུང་ཐད་ཀྱི་མཉམ་འཇོག་བྱ་ཡུལ། 

    ༡  མངར་བའི་ཟས་སྐོམ་ཉུང་དུ་བསྟེན་པ།  

   ༢  ལན་ཚྭའི་ཟས་རིགས་ལ་འཛེམ་དགོས། 

   ༣  དྲག་ཤུལ་གྱི་སྤྱོད་ལམ་དང་བརླན་ཅན་ཡུལ་དུ་སྡོད་པ་སྤངས། 

   ༤ ཉལ་བོ་ཚུལ་བཞིན་བསྟེན་དགོས།