དང་པོ།  གློ་འབྲས་ཀྱི་རྟགས། 

གློ་འབྲས་ནི་གློ་ཡུའི་ཡལ་འདབ་ཀྱི་ལྡེབས་སུ་འབྲས་སྐྱེས་ནས་དབུགས་བཀག་པ་དང་། ལུས་སྟོབས་འཆོར་བ་སོགས་ལུས་ལ་ཤིན་ཏུ་གནོད་པའི་ནད་ཅིག་ཡིན། ནད་ཐོག་མའི་སྐབས་སུ་བྲང་ཁོག་མི་བདེ་བ་དང་། གློ་ལངས་ལུད་པའི་ནང་ཁྲག་དོན་པ། དབུགས་འབྱིན་རྔུབ་དཀའ་བ། དེ་རྗེས་མུ་མཐུད་ནས་བྲང་ཁོག་ན་བ་དང་། གློ་ལངས་ནས་ཁྲག་ཕོན་ཆེན་ལུ་བ། ལུས་སྟོབས་ཉམས་ཞན་ཆགས་པ། ཟུངས་ཁྲག་ཟད་པ། ད་དུང་འབྲས་ནད་ཆེར་རྒྱས་ནས་ཉེ་འཁོར་གྱི་གནས་ལ་བཙིར་གནོན་འཁེལ་བའི་རྐྱེན་གྱིས་སྐབས་འགར་ཟས་མིད་དཀའ་བ་དང་། སྙིང་གི་འཕར་ལྡང་ལ་ཆོས་ཉིད་མེད་པ། མགོ་དང་སྐེའི་ཁྲག་རྩ་འཁྱོག་འབུར་ཆགས་པ་སོགས་ཀྱི་མངོན་ཚུལ་སྣ་ཚོགས་ཡོད།

གཉིས་པ། གློ་འབྲས་ཀྱི་སྔོན་འགོག་བྱེད་ཐབས། 

༡ཐ་མག་ནི་གློ་བའི་འབྲས་སྐྲན་འབྱུང་བའི་རྒྱུ་རྐྱེན་གཙོ་བོ་ཡིན་པས་ངེས་པར་དུ་ཐ་མག་དང་རིང་དུ་གྱེས་དགོས། 

༢ ཐལ་རྡུལ་ཆེ་བའི་འཁོར་ཡུག་དུ་བསྡད་དྲགས་ན་གློ་བའི་རྩ་སྦུབ་ལ་ནད་འགྱུར་བྱུང་ནས་གློ་འབྲས་འབྱུང་བའི་ཉེན་ཁ་ཤིན་ཏུ་ཆེ་བས་དུས་རྒྱུན་ཐལ་རྡུལ་ཆེ་བའི་འཁོར་ཡུག་དང་རིང་དུ་གྱེས་དགོས། 

༣ ཁ་ཟས་སུ་རུལ་སྐྱུར་དང་ཟོ་མར། ཚྭ་མང་བའི་ཟས་རིགས་བསྟེན་པ་ནི་གློ་འབྲས་ནད་ཀྱི་ཐད་ཀའི་རྒྱུ་རྐྱེན་ཡིན་པས།

༤ ཆམ་པ་བཅོས་ཉེས་པའི་དབང་གིས་གློ་འབྲས་འབྱུང་སྲིད་པས་གློ་ཆམ་ནད་ལ་སྔོག་འགོག་བྱེད་པའམ་གློ་ཆམ་ཕོག་རྗེས་ནད་གཏིང་ཐོན་པ་བྱེད་དགོས།

༥རང་ཉིད་ལ་གློ་གཅོང་གི་ནད་དང་། ཁྱིམ་རྒྱུད་ལ་གློ་འབྲས་བྱུང་བའི་ནད་རྒྱུས་ཡོད་པ་རྣམས་ལ་གློ་འབྲས་འབྱུང་བའི་ཉེན་ཁ་ཆེ་བས་ངེས་པར་དུ་ལོ་རེར་ལུས་ཕུང་ལ་བརྟག་དཔྱད་བྱེད་རྒྱུ་གལ།